.. هي حدوتة قصيرة من وحي الخيال – والسؤال : ماذا تفعل لو كنت مكانه ؟!
.
تخيل أب، إتقدم لابنته عريس . عريس ملو هدومه . جاله بموكب صف عربيات وموتوسيكلات وفرقة رقص شعبي ومزيكا.
.
وسريعا بدأ العريس استعرض إنجازاته ورسالة الدكتوراة بتاعته – زي ما بيدعي – ومناصبه ونفوذه وشركاته وممتلكاته وفلوس بالملايين – وفجأة ؛
.
دخل الشك قلب الأب وسأل نفسه: هو معقول في الزمن ده لسه فيه عريس شريف وغني بالشكل ده؟!
.
** أبو العروسة سأل العريس : ممكن أشوف بطاقتك؟
.
= العريس ارتبك والعرق نزل علي جبينه ، لكنه بسرعة تمالك نفسه ورد باستعلاء : هو معقول أشيل بطاقة ومعايا النفوذ ده كله؟، ومع ذلك . اتفضل . آدي البطاقة – (وضعها في يد الأب وأصابعه ترتعتش) !
.
** ضحك أبو العروسة نصف ابتسامة، قائلا للعريس: طيب يا [باشا] سيبني أفكر وأرد عليك!
.
الشك زاد ووصل عقل الأب، وقرر يسأل عنه وعن بطاقته، واتصل بأحد أصدقائه من المسئولين المختصين.
.
فكانت المفاجأة : كل ما قاله العريس صحيح عن نفوذه ومناصبه وشركاته و إنجازاته – ولكن.. البطاقة طلعت مزورة !!!
.
انتهت الحدوتة ويبقي السؤال : ماذا تفعل لو كنت مكان [ أبو العروسة ] هل تقبل زواج ابنتك من عريس فيه كل المميزات لكنه مُزور بطاقته؟؟؟
