كريم محسن يطرح أحدث أغانيه «الحمد لله» عبر اليوتيوب
إلهام علاء ـ مصر
طرح المطرب كريم محسن أحدث أغانية التي تحمل عنوان «الحمد لله» بطريقة الـ Video Lyrics، وذلك عبر موقع الفيديوهات الشهير «يوتيوب» وجميع المنصات الموسيقية.
«الحمدلله» هي أغنية ذات طابع رومانسي وهي من كلمات الشاعر محمود عليم، وألحان كريم نيازي، توزيع وميكساج وماسترينج محمد ياسر، جيتار مصطفى نصر، تشيللو أحمد حسام، إشراف عام أحمد عاطف، تسويق رقمي أحمد عادل (On Stream)، بوستر عبيد الحربي، فيديو أحمد بدر، إنتاج JP Productions – جيمي.
تقول كلمات أغنية «الحمد لله»:
الحمدلله
إن عمرى بيكى ملاه
وان قلبى ليكى هداه
وانّه شاف فيكى الهدوء
وانّه عاش فيكى الحياه
الحمد لله
إن جرحى انتى دواه
وان ليلى انتى سماه
وان قلبى مهما شاف
عمره ما شاف غيرِك معاه
حبيبتي .. ولا حد تاني
وكِملت .. فيكى المعاني
ورجعِت .. طعم الأغاني .. ف أوّل يوم قابلتِك فيه
حبيبتي .. إنتي البدايه
وصوتِك .. هوّه الحكايه
ف يومي .. دايماً معايا .. تميمة حظ بتحلّيه
الحمد لله
إن عمرى معاكى اتعاش
وان قلبك غيره ماجاش
وانّى قلت كتير وداع
ولناس بلاش
الحمد لله
إن حضنك بيت وسلام
وان كلّه معاكى تمام
وانّى مرتاح ف السكوت
والراحه زادت .. بالكلام
ويذكر أن كريم محسن طرح مؤخرآ أغنية بعنوان «آه ياغالي» عبر موقع «اليوتيوب»، وهي من كلمات وألحان كريم نيازي، توزيع وميكس وماستر مؤمن ياسر، عود إسلام الأبتي، بوستر وفيديو عبيد الحربي، تسويق رقمي أحمد عادل (On Stream).
