أنشطة سعادة سفير اليابان زيارة ميدانية شركه منتجات غذائية بالأسكندريه
بدور خطاب
قام سعادة السفير الياباني مع أفراد الجمعية اليابانية بالأسكندريه بزيارة ميدانية لمصنع اغذية ، ويمد المصنع السوق بالمنتجات المصريه من المنتجات الزراعية والألبان والفاكهه.
يا رب نشتغل بقى
دي رسالة تسويقية قوية جدًا من السفير الياباني نفسه، بيقول فيها لكل المصريين:
إحنا مستعدين نستورد أي منتجات زراعية مصرية تقدروا تصدروها.
موقع السفارة اليابانية نزل هاشتاج
الفول_المصري_إلى_اليابان
والمقصود هنا الفول الأخضر اللي إحنا للأسف مش حاسين بقيمته الحقيقية.
والأهم إن السفير الياباني بنفسه راح شركة في إسكندرية علشان هتبدأ تصدير الفول المصري لليابان.
وقال في تدوينة ليه:
اليابان بتقدر طعم وشكل الفول المصري، وبتستورد كميات كبيرة منه كمكون أساسي في المقرمشات والسناكس.
المنتجات اللي مكتوب عليها “مصنوعة من الفول المصري” منتشرة جدًا ومحبوبة، وبتتباع في كل المتاجر تقريبًا.
ونتمنى يوصل لليابان خضار وفاكهة مصرية أكتر، وعلى رأسها الفول.
يعني الرسالة واضحة وصريحة:
اشتغلوا… وإحنا هنستورد ونشيل منكم.
